Мектепке жол

ШҚО білім басқармасы Өскемен қаласы бойынша білім бөлімінің «Абай атындағы №33 орта мектебі» КММ-де «Мектепке жол» Республикалық  акциясы басталды. 2022 жылы «Мектепке жол» Республикалық акциясы балалардың құқықтары мен мүдделерін қорғауды қамтамасыз ету мақсатында Қазақстан Республикасы Президентінің 2022 жылғы 19 қаңтардағы №780 Жарлығымен жарияланған Балалар жылын іске асыру шеңберінде өткізіледі. 
Акцияның ұраны:  Мектепке жол-Шекарасыз жақсылық. Қазақстан Республикасының әрбір азаматы халықтың әлеуметтік осал топтарынан шыққан балаларды мектепке дайындауда атаулы көмек көрсетуде азаматтық белсенділік таныта алады,  оның мектепке жолы қуанышты болуы үшін әрбір балаға шынайы қамқорлықпен назар аудара алады. 
Акцияның мақсаты-аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығынсыз қалған балаларға оқу жылының басталуына дайындық кезінде материалдық қолдау көрсету және әлеуметтік себептер бойынша балалардың мектепке келмеуінің алдын алу. 
Акцияның басталуы 2022 жылдың 1 тамызынан 30 қыркүйек аралығы. Осыған орай,  акцияға кәсіпкерлерді,  меценаттарды, мемлекеттік органдарды, әлеуетті демеушілер мен мүдделі құрылымдарды көп балалы және аз қамтылған отбасылардан шыққан оқушыларға, жетім балаларға,  сондай-ақ ата-анасының қамқорлығынсыз қалған балаларға көмек көрсетуге шақырады.
https://www.instagram.com/p/CgyfzwpLld-/?igshid=MDJmNzVkMjY=